حبيت اجي
احكيلكم ليه الراجل بعد كام سنه جواز بيقى حاسس انه غلط غلطة حياته انه اتجوز هههههه

وتبقى المدام نايمه جانبه عايز يولع في الفرشه هههههه
ذي الست الي قالت للجني انا عايزه اعرف ليه كل يوم اقوم مبللوله ميه
سهر الجني عندها علشان يعرف ايه الحكايه لقى الراجل نايم جنب مراته وبيتفرج على التلفزيون وبيتف على مراته وبيقول هى دي الستات ولا بلاش هههههه

طبعا دي نكته مدلولها

ان الست بعد الجواز بتكون شلبيه
ويارب ميكنش حد اسمه شلبيه هنا هههه

الراجل لما يصحى من النوم والسرير مش مرتب والغرفه مقلوبه
وشعر مراته منكوش كده

صراحه حاجه تفتح النفس ههههه

ايه في خيالك هيكون تفكيره

تدخل الست الحمام ترش شوية ميه على وشها وتقوله بصوت تخين

اعمللك فطار

يقولها اعملي وفي سره

يقول

عملك اسود


تحط الفطار
وتبدا تاكل وطول الاكل
تقول

انت هتقبض امتى

يقول في سره

قبض عليكي عسكري معندوش ضمير يرنك علقه هههههه

يرد هقبض بكره

تقوله الواد عايز غيارت داخليه

يالهوووووي الواد بقى عره

هههههه

يقولها طيب ان شاء الله لما اقبض هديكي


ويقول في سره

الله يخرب بيتك
ويخرب بيت الي عرفني عليكي

ههههه

يروح الراجل الشغل وتقعد هى ماسكه التلفون
ورورورور مع اصحابه ولا قاعده معانا هنا فى المنتدى هههههه

تحس ان الوقت فات هوا ذينا كده

تجري تعمل الاكل

ويجي الراجل من الشغل تقوله انت جيت

يرد الراجل

ايو جيت ايه امشي

تقوله هو انت ليك مكان تاني غيري

يقول في سره

ماهو من بختي الاسود

ويلاقي العيال بياكلوا في بعض


يغير الراجل وهى تحط الغدا

وتبدا معاه ورورورورو
على الي حصل مع اصحابها

الراجل عرف الحلوه منهم والوحشه

وبيقول في سره
اه
لو قنبله تنفجر فيها واروح اتجوز صحبتها الي بتحكي عنها

ويخرج من حلم اليقظه على صوت مراته

يالهوووووي

انت مش سمعني هههههه

وفي الليل تيجي حماته

اذيك يا جوز بنتي

يرد اذيك يا حماتي
ويقول في سره
يعني جوز ست الحسن والجمال الله يخرب بيوتكم
ههههههه

وتقعد حماته تقول

شفت يا جوز بنتي

عديلك يا فالح جاب عربيه عقبالك



يرد عليها الي اداله يديني

ويقول في سره داهيه تاخدك وتاخده في يوم واحد



وكده خلص اليوم


والراجل بيقول في سره كان يوم اسود

هههههههه

طيب تعالي شوفي الست الشاطره



قامت الصبح

اتشطفت ولبست لبس بيتي شيك برمودا وبلوزه حمال
وظبطت نفسها


صحت جوزها بكلمتين حلوين الراجل بيحب يدلع ولو كان عمره 100 سنه



وقامت حضرت الفطار
وندهت جوزها
تعالى افطر يا حبيبي
رد طيب يا حبيبتي
وفطر الراجل ومراته بتتغزل فيه

خلص الفطار لقى لبسه مترتب والحمام اتنشف
لبس وهو نازل سلمت عليه وقالتله هتوحشني يا حبيبي

جه في الغدا فتحت معاها مواضيع تفتح النفس

اكل وريح شويه وبعدين قعت تحكيله على مغامرات الكتكوت الصغير ويضحكوا

وفي الليل
قالت لمامتها ان شاء الله يا ماما هنجيلك اخر الاسبوع وباي علشان جوزي قاعد

وتروح تشوف طلبات الراجل وهى طبعا
متبرفنه ورحتها تجنن
والبيت نظيف اخر حاجه

والولد هادي

ومفيش مشاكل ويبقى الراجل علطول مفلفل نار شطه من حبه في مراته الحلوه